هدا واحد الجدارمي دخل لدارو او عيط على اولادو او قاليهم جيبوا ليا نتائجكم نشوفهم شاف نتيجة الاول جايب 8 هو يسلخو مزيان او التاني جاب 4 مهدرش معاه هو يسولو خوه او قاليه علاش انت جايب اقل مني او مسلخكش قاليه حيث انا درت ليه 100 درهم وسط النتيجة
واحد بنادم شرا قرعا ديال دوا لحملر ...هو طالع فالدروج اوهيا كطيح ليه اوتهرسات...خاف ضيع ...عيط حماد موحماد اجيو.. فلقهوم او بدا يدهن ليهم.
واحد مسالي راسو مالقا مايدير............؟؟؟؟بدا يحسب شحال من زغبة فشعرو؟؟؟؟؟؟
واحد حمق عطاو طوموبيل بدا يقلب من تحتها ...يصحاب ليهم بعقلوا سولوه اشتدير ..قاليهم تانشوفها واش دكر اولا نتوا
هدا واحد الفقيه عندو 3 ديال التلاميد كيحفظهوم القرآن
المهم بغا ادرلهوم امتحان
المهم هو اسول التلميد الاول او قاليه شنو سميتك جاوبو سميتي يونس قالو عرض سورة يونس
مشا عند التاني قالو شنو سميتك قالو سميتي ياسين قالو عرض سورة ياسين
او مشى عند التالت او قالو شنو سميتك قالو سميتي عمران اوفدار كيعيطولي كوتر
قاليك أ سيدي هادا واحد الراجل كيغير على مراتو بزاف أي حاجا قاصتها كيمشي يضربها لموهيم واحد النهار كانت فوقها ذبانة بقا تابع هاديك الذبانة حتى سخف منين قتلها قالت ليه ويلي هادي غير ذبانة أما لو كان ذبون ماعرفت شنوا هادير
هادا واحد خاينا مشا عند واحد صاحبو لدار و هو يدق فالباب خرجات ليه مو قاليها واش كاين said قالت ليه لا ماكاينش قاليها واش كتعرفي لفرونسي وهي تعيط علىبنتها من جات لعندو قاليها bon منين اجي سعيد قولي ليه راني دزت لعندو سيد حافظ غيBON
أستاد الفلسفة:شكون لي عطيني مثال على الصدفة
أجاب التلميد الهارب من طرونت سيس:زواج لواليدا أو لواليد في نفس نهار
هذا واحد البقال عندو واحد الطوموبيل ديما كان كيغسلها
داز واحد الراجل قال لو و زوينة عندك هاد الطوموبيل
وقال ليه تاني ياك مكتكل المازوط(الكازوال)
قال ليه البقال الى لقاتو غير قول ليها تاكلو
معمرها دارت امارش
هادا واحد الراجل كيضروه سنانو مشا يحيدهوم عند الطبيب
مشا لمستشفى و لقا 2بيبان واحد مكتوب فيه المستشفى ديال الفلوس
و الباب التاني مكتوب فيه المستشفى ديال المخزن
دخل لمستشفى ديال المخزن لكا 2بيبان ليتايضروه السنان و ليتضرو بلاصة خرى
دخل ليتايضروه السنان لكا 2بيبان ليبغا يحيدهوم بالفلوس وليبغا يحيدهوم فابور
دخل لديال فابور و لقا راسو فالشانطي
علاه كاين مازال شي فابور
الثلاثاء فبراير 17, 2009 12:57 pm
